ياللـي دفنتـوا جثـتـه.. لـيـه تبـكـــون؟
لـولا الحيـا..لأقـول : معـكـم خـذونـي
منه انحرمت وكنت انا عنـه مسجـــون
مـا أذكـر لمحتـه .. غيـر مـره بعيونـي
شفتـه ..وكانـت فرحتـي مالهـا لــــون
عجزت لأوصف .. من لمحته شجونـي
ياليتنـي ..كنـت الكفـن يـوم تمشــــون
أبـقـى مـعـه بالـقـبـر ثـــم تدفـنـونـــي
أو ليتني .. من خلفكم كنـت (مجنـــون)
أتـبـع خطـاكـم والـعـذر هــو : جنـونـي
أبكي وراكم .. وأدعي ان كـان تدعـون
مـا يكفـي انـه عـاش عمـره بدونــي؟؟
تكفـون ،،، هاكـم عمـري اليـوم تكفــون
بـرخـص حيـاتـي دام خـابــت ظـنـونـي
مـا فادنـي صبـري !! ولا فـادنـي عــون
ولا فادني دمعـ(ن) .. حرق لي جفونـــي
يـا مـا بكيتـه والبكـا يحـرق عيـــــــون
ميت أو انه حي .. دمعي بعيونــــــي!!